تعليق على حلقة فيش وتشبيه لعمرو مصطفى

أولا كلام عمرو مصطفى دليل على إنه مش قادر يوصل للي حققه تامر وطبعا علشان مفيش مشاكل في موضوع الشهرة بينه وبين عمرو دياب لازم يجب عمرو دياب طبعا ، وده لأنه مجرد صعلوك يتسكع في شارع عمرو دياب ، وعمرو على الرغم من أنه فنان قديم وكبير طبعا ، إلا أنه بيقدم لون مختلف تماما عن اللون اللي بيقدمه تامر حسني ، والحقيقة إن صعبان عليهم إن تامر يوصل للشهرة دي في الوقت القصير دة وهم محلك سر ، صعبان عليهم الحفلات اللي بيعملها تامر في كل حتة والتفاف آلاف المعجبين حواليه ، والمشكلة في الحقيقة إن تامر معاه مدير أعمال نشط بيعرف يعمل انتشار لتامر بينما الآخرون معاهم مديرين أعمال كسالى ، مش عارفين يعلوا حاجة ، إضافة إن تامر بيقدم اللي الناس عاوزاه ومن قلبه هلشان كدة بيوصل لقلوب الناس بينما هم عاملين زي اللي رقصوا على السلم فلا هم قدموا قديم ولا قادرين يقدموا جديد ، وتامر بالظبط عامل زي عبد الحليم لما قدم على حزب وداد قلبي في وقتها لما الناس حبت تسمع أغاني شعبية بعد ما زهقت من أغاني الباشوات تاعة زمان وعلشان كدة وصل لقلوب الناس لأنه قدم اللي هم عاوزينه وطبعا أرقام المبيعات لا تكذب نشوف مبيعات شرائط تامر اد إيه ونشوف مبيعات عمرو مصطفى قد إيه ومش معقول أبدا إن تامر يكون بيشتري الشرائط دي لنفسه علشان يحقق مبيعات ، زي ما مش معقول إن أعضاء الجروبات اللي بتحب تامر كلهم بيشتغلوا معاه ، الظاهر إن شهرة تامر وانتشاره وفشل المطربين في اللحاق به وبشهرته أصابتهم بالجنون ، فأصبحوا لا يعون ماذا يقولون وتحول الاتهام إلى اتهام لجمهور تامر من ناحية ومن ناحية أخرى انصب على طريقة تعامل الفنان مع جمهوره ، وابتعدوا تماما عن النقد الفني السليم ، وقد أعجبني محمد منير عندما قال أن كل واحد يقدم لونا في الغناء مختلفا عن غيره وكل واحد أستاذ في فنه فلا مجال للمقارنة بينهم والأحسن لعمرو مصطفى إن يخليه في التلحين بس أو يدور له على شغلانة تانية ويسيبه من الغناء لأنه مالوش فيه أصلا