نشرة أخبار صباح الخير يا ......

حبايبى المشاهدين ورجعناكم مره تانيه بعدد جديد من

برنامجكم صباااااااااااااااااحك تهييس
حصريا فقط على قناة النجوم
وإليكم النشرة الفنية

والمزيد من الحصريات

exclusives يعنى

على قناتكم المحبوبة

قناة النجوم
..................................
تعلن شركة الفشل الفنى للإنتاج والتوزيع عن افتتاح فيلم

الموسم ( انقاذ كوباية ويسكى ) وتدور أحداثه عن

معاناة الشاب المصرى والعربى فى سبيل الحصول على

كوباية ويسكى غير مغشوشة ..والصراع الدائر بين

الشركات المصنعه وشركات بير السلم ...الفيلم من

تأليف المخرج الشاب ( عبده كوبايه ) ومستوحى من

تجربة شخصيه ...ومن بطوله نجوم الشباب ...الفنان

المتألق ( برعى السمكرى ) وهيقوم بدور البطوله معه

الفنانه المتألقة ( سنيه سرنجه ) ...فيلم سيعيد إلينا

أفلام الفن الجميل ..اوعوا الفيلم يفوتكم
................................................................
قنبلة الموسم الفنانه ذات الجمال الخارق والجسد

الجميل و الشكل الفظيع و اكبر عدد عمليات

تجميل فى الشرق الأوسط .... الفنانه الصاروخ

فوفو ... صاحبه الأغنية الأكثر اشتهارا

فيها ايه لما ابقى مصاحبه

و ابقى كمان مخطوبه

ليه يجى جوزى و يزعل

بالذمه مش انا مظلومه

وعذرا مش هنقدر نكمل برده الأغنيه لأن

الرقابه حذفتها حرصا على حياء القارئ

وقد قررت الفنانه الصاروخ الجوى المنطلق فى

سماء الأغنيه العربيه عقد مؤتمر صحفى للرد

على هجوم الصحفيين عليها و خاصه بعد

ان قام بوليس الآداب بمهاجمة لوكيشن التصوير

بعد بلاغ من فاعل خير ... وتقول ( هعرف

اخد حقى كويس قوى ده انا

فوفو يا ..............) عفوا لقطع الارسال

وده برده حرصا على حياء القارئ العزيز
...........................................................
وننتقل الى الساحة السياسية

وهذه هى آخر الأخبار
...................................
مظاهرات تجتاح عواصم العالم للزيادة المفاجئة فى اسعار

الحشيش والتى أتت بعد فتره من احتكاره بواسطه احدى

الشركات العملاقة ...وكانت الهتافات تتردد فى

الشوارع ( ادونا حشيش علشان نعرف نعيش )

وكان رد فعل مجلس الحشيش الدولى هو الصمت ولم

يصدر من أى مصدر مسئول أى رد فعل حتى الآن
.........................................................
مسابقة الموسم .... اكتب 5 فروق تقدر

تفرق بيهم بين الفراخ الحقيقيه و الفيران البيضا

المسلوقه والمحمرة .... مكتشف اللغز هيتم

تكريمه بواسطه جمعيه دعونا نترك الفئران و

نعود للفرخ.... و الجائزه عباره عن 500

كتكوت خد ربيهم وبالهنا والشفا