إختبار في اللغة العربية للثانوية العامة الحديثة عام 2020

هذا الامتحان برعاية خروب أبو حمادة الصعيدي

دلوقتي .. شوب الخروب بجنيه و ربع ... هتفضل تغلى لغاية ماتبطل تشرب (( وراك وراك ))




==========

ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة (7).

ملاحظة: عجلة الجاذبية 9.8 ( في حالة انك حبيت تنط من الشباك )

يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))

==========

السؤال الأول (20 درجة)

============
قال الشاعر الحلمنتيشي في قصيدة ما اتسمعتش قبل كدا مايلي :


قالت له حين كذا انهض وجد بالنقل

وفتيةً يسقونني قهوةً كالعسلل

شممتها بأنفي أزكى من القرنفل

في وسط بستان حلي بالزهر والسرور لي

والعود دندن دن لي والطبل طب طب طبلي

طب طبطب طب طبطب طبطبلي

والسقف سق سق سقلي والرقص قد طاب إلي

شوى شوى وشاهش على ورق سفرجلي






===============

الأسئله
=================
1- اشرح الآبيات الاربعة الاخيرة من النص بما لا يقل عن 90 سطرا باختصار شديد (9 درجات)

2- لماذا أكد الشاعر على القصد الشريف و النية الصادقة ، و علام يدل قوله ((طب طبطب طب طبطب طبطبلي)) ؟ (3 درجات)

3- استخرج من البيت الاول محسن ابراهيم و محسن اسماعيل مبيناً نوع كل محسن منهما . (3 درجات)

4- استخرج من البيت الثالث صورتين فوريتين مبينا نوع الكاميرا (3 درجات)

============

مساحة خالية للإعلان- ت : واحد اتنين .. الجيش العربي فين

===========

السؤال الثاني ( 8 درجات)

===============

1- تم نقل السوق المالي إلى سوق السمك ؟ (درجتان)

2- إقبال الناس الى شراء نوكيا 9990 و عدم شراء نوكيا 9900 ؟ (درجتان)

3- إغلاق شبكة الأخبار Pnn بعد زواج شارون ستون ؟ (درجتان)

4- أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ (درجتان)

==============

*** أخي الممتحن أقلب الصفحة: والله لتندم عالساعة اللي دخلت فيها المدرسة ***

=========

السؤال الثالث –اختياري- (5 درجات)
اكتب الاسم المستوفى من السؤال

ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟
( ورد ذكر اسم هذا الرجل في اكثر من مسلسل تليفزيوني )؟ (5 درجات)

=================

فاصل إعلاني: غمض عين فتح عين ... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))



==================

السؤال الرابع (8 درجات)
============
ورد في قناة روتيني كلاب " صباحي نهاري " للمخرج نيجيرا كايسي و غناء عوي الذئاب :

" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله
جنبك حياتي دي اجمل حياة "
الأسئلة
=================

1-ماذا كان يريد ان يقول عوي الذئاب؟ (4 درجااات)

2- ما نوع الكنبة اللي كان قاعد عليها عوي الذئاب في الاغنية , و ما إسم عامل السفنج في المصنع ( مع التوضيح ) ؟ (درجتان)

3- ما اسم صبي الخياط بتاع ام الموديل اللي كانت مع عوي الذئاب في الكليب ؟ (درجتان)

==================

السؤال الخامس (20 درجة)
=================

موضوع تعبير

قال أحدهم: " حسن زعبولا .. ماشي بيتسالا .. محندق الجاكيته و بيتعايق بالقلة "
أكتب نبذه عن حياة ابو حسن زعبولا
(( الحاج زعبولا )) و اذكر 3 اسباب عن سبب انفصال الحاجة زعبولا عن هندامة
(( زوجته الاولى )) (20 درجة)

===================

خروب أبو حمادة الصعيدي
المشروب الرسمي لهذا الامتحان



=================

*** أخي الممتحن أقلب الصفحة أحسنلك (( اصلك مش عارف اللي فيها )) ***

=================

السؤال السادس ( 19 درجة)

======================

اجب عن أربعة فقط من الأسئلة التالية
===================

1- من برأيك أقوى وأفضل بوكيمون - هل هو – بيكاتشو ؟؟؟ (5 درجات)

2 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجد
في كأس العالم الأخيرة . (4 درجات)

===========
عرض أمو نبيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً


===============

سؤال المساعدة ( لرفع الدرجات ) ( 20 درجة)
و ملهوش لازمة اساساً

===================

أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية

ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء

=================


انتهت الاسئلة و نلقاكم في امتحان الدور التاني ان شاء الله